Breadcrumb

El Proyecto_Título

PROIEKTUA

FORLAN Europako prestakuntza proiektu berritzaile bat da, eta oinarrizko gaitasunak ikasteko estrategia berriak proposatzen ditu. Eduki eta prestakuntza metodo berriak planteatzen ditu, eta gaitasun digitalak nabarmendu, ezinbestekoak baitira egungo lana sustatzeko.

Europako Batzordearen Enplegu eta Gizarte Berrikuntzako Europako Programak (EaSI) finantzatzen du proiektua, Progress ardatzean.

El proyecto

Proiektu hau sortu da, enplegu politika aktiboetatik abiatuta, oinarrizko trebetasunak menderatzen ez dituzten helduen kopurua murrizten laguntzeko. Europako herrialdeekin alderatuta, Espainia –kontuan hartuta autonomia erkidego guztiak, Nafarroa barne– gaitasun urriko pertsonen tasarik altuenetako bat duen herrialdeetako bat da. 2019an, 25 eta 64 urte bitarteko Espainiako biztanleen % 38,7k bigarren hezkuntzako lehen etapako edo beheragoko ikasketa-maila zuen (INE – Eurydice España). Nafarroan, % 29,2k zuen ikasketa-maila hori.

Esperientzia pilotua 2022ko abuztura arte luzatuko da. Ikus lan plangintza.

Bi eremutan eginen da, eta hainbat pertsona motaren beharretara zuzenduko da:

 

Enplegu zerbitzu publikoen eta gizarte zerbitzuen eremua: 

  • Denbora luzez langabezian egon diren pertsonak, gutxieneko diru sarreren programan kalifikazio baxua dutenak eta gizarteratzeko edo enplegu aktiboko ekintzak edo ibilbideak egiten dituztenak.
  • Aldi baterako enpleguak edo enplegu ez-egonkorrak dituzten pertsonak, etengabe lan merkatuan sartzen eta bertatik ateratzen direnak, eta soldatak Nafarroako gutxieneko errentaren programarekin osatu ohi dituztenak.

 

Zerbitzuetako, eraikuntzako eta industriako enpresen eremua (ANEL eta ELF):

  • Enpresa horietan aldi baterako lanpostuak eta lanpostu ez-egonkorrak dituzten langileei laguntzeaz gain, eraldaketa digitaleko planak ere lagundu nahi ditu proiektuak. Hori dela eta, kualifikazio-maila alde batera utzita, garapen profesionalari eta enpresaren lehiakortasunari laguntzeko gaitasun digitalak behar dituzten langileei ere lagundu nahi die Forlanek.

 

Proiektuak, halaber, hobekuntzak proposatuko ditu ikasleen gaitasunen hasierako balorazio sisteman, diagnostiko hobea egiteko, gaikuntza talde homogeneoak sortzeko eta abarrerako. Horrez gain, helduentzako prestakuntza politikei dagokienez egin daitezkeen erreformak planteatuko ditu, bai estatu mailan, bai eskualde mailan. Nafarroan, esaterako, oinarrizko gaitasunen arloko prestakuntza eraginkorragoa sartu beharko litzateke. Enplegu, hezkuntza eta gizarte eskubideen departamentuen artean elkarlanean aritzea ere proiektuaren helburuen artean dago.

Ir al inIcio