FORLAN PROIEKTUAREN LABURPENA

Ikaskuntza estrategia berriak

FORLAN proiektu pilotu bat da, Europako Batzordeak kofinantzatua, eta helburu du ikaskuntza estrategia berriak testatzea, trebakuntza urria duten helduek oinarrizko gaitasunak ikas ditzaten (zehazki, zuzentzen zaie irakurtzeko, idazteko edo kalkulatzeko oinarrizko trebetasunak menderatzen ez dituztenei edo konpetentzia digital gutxi dituztenei). Xedea da pertsona horiek kalitate handiagoko eta iraupen luzeagoko lanak lortzea.

FORLANen asmoa da edukiak eta prestakuntza metodoak pertsona bakoitzaren beharretara egokitzea. Halaber, proposatu du zer hobekuntza egin beharko liratekeen ikasleen gaitasunen hasierako balorazioa egiteko sisteman, diagnostiko hobea egiteko, aurretik eskuratutako ikaskuntza aitortzeko (izan hezkuntza formalaren, ez-formalaren edo informalaren esparruan eskuratua) eta trebakuntzako talde homogeneoak sortzen laguntzeko.